“Faktura.uz”: barcha zarur hujjatlar — bitta dasturda
986

“Faktura.uz”: barcha zarur hujjatlar — bitta dasturda

So‘nggi yillarda butun dunyoda qog‘oz hujjatlar o‘rnini elektron hujjat almashinuvi faol egallab borayotgani hech kimga sir emas. Mamlakatimiz ham bu borada ildam qadam tashlamoqda. So‘nggi bir necha yil ichida O‘zbekiston qonunchiligida sezilarli o‘zgarishlar yuz berdi. Xususan, Soliq kodeksining 222-moddasiga kiritilgan o‘zgartishlarga muvofiq, hozirda hisob-fakturalarni elektron hujjat ko‘rinishida tayyorlashga rasman ruxsat berilgan.
Bundan tashqari, “Buxgalteriya hisobi to‘g‘risida”gi yangilangan qonun elektron hisob hujjatlarini ularning qog‘ozli muqobiliga teng huquqli etib belgilaydi va ularga bir xil yuridik kuch beradi. Turgan gapki, ushbu me’yorlar qog‘ozli hujjatlarning barchasini bo‘lmasa-da, katta qismini elektron formatga o‘tkazish borasida oldinga dadil qadam tashlash imkonini beradi.
Qonunchilikdagi mazkur yangilanishlar Space Online Genesis kompaniyasini “Faktura.uz” yagona axborot tizimini ishlab chiqishga undadi. Ushbu tizim o‘z mijozlariga elektron hujjatlarni tayyorlash, qabul qilish, yuborish va yetkazib berish bilan bog‘liq o‘ziga xos imkoniyatlarni taqdim etadi.

“Faktura.uz” nimasi bilan foydali?

Birinchidan, hujjatlarni chop etishga sarflanayotgan resurslar tejab qolinadi. Har bir hisob-faktura yo shartnomani qog‘ozga chop etish shart emas — ularning elektron varianti bo‘lsa bas.
Ikkinchidan, hujjatlarni yetkazib berish uchun sarflanayotgan vaqt tejaladi. Hujjatlarning raqamli versiyalarini yuborish atigi bir necha soniya vaqt oladi va ularning javobini bir necha soat kutib o‘tirishga hojat yo‘q. Ehtimoliy xatarlar ham kamayadi: hujjatning qog‘oz varianti yo‘qolib qolishi, iflos bo‘lishi yoki shunchaki kerakli manzilga yetib bormasligi mumkin. Uning elektron versiyasini esa doim nazorat qilib turish mumkin va u belgilangan nuqtaga bir zumda yetadi.
Uchinchidan, elektron hujjatlarni saqlash qulay. Elektron arxivning qog‘ozlisidan ustun ekani ochiq-oydin ko‘rinadi: elektron hujjatlar to‘plami ixcham serverlarda saqlanadi, ularni saqlash uchun ijara haqi to‘lash shart emas, kerakli hujjatni tezda izlab topish mumkin va, albatta, hujjatlarning xavfsizligi yuqori darajada ta’minlanadi.
Va nihoyat, to‘rtinchidan, inson resurslari tejaladi. Avtomatlashtirilgan tizimlarda hujjatlar bilan bog‘liq barcha operatsiyalar (saralash, hisobotlar va boshqalar) bir lahzada amalga oshiriladi va buxgalterlarni bu operatsiyalarni bajarish bo‘yicha ortiqcha mashaqqatlardan qutqaradi. Bundan tashqari, xodimlarni hujjat yetkazib berish uchun jalb qilish shart emas, o‘z navbatida, bu umumiy samaradorlikning oshishiga sabab bo‘ladi.
Albatta, yuqorida sanab o‘tilgan ustunliklardan tashqari, “Faktura.uz”dan foydalanish davomida boshqa ko‘plab yutuqli jihatlarga ham ega bo‘lish mumkin. Uzcard korporativ kartalari to‘lov kvitansiyalarini elektron imzoli shaklini qabul qilish yo‘lga qo‘yildi — buxgalterlar qog‘oz to‘lov cheklarini yig‘ish va saqlashdan qutuldi. Xuddi shuningdek, to‘lov qabul qilish shoxobchalari to‘lov terminallari hisobotlarini ham “Faktura.uz” tizimidan olishlari mumkin. 1C dasturi bilan ham integratsiya ishlari amalga oshayapti. Tizim hozirning o‘zida – ishlab chiqish va tatbiq etish jarayonidayoq, buxgalteriya hisobi sohasidagi elektron hujjat almashinuvi foydalanuvchilarga rostmana naf keltira olishi aniq ravshan ko‘rinib turibdi.
Faktura.uz” kabi axborot tizimlarining ishlab chiqilishi ish jarayonini tashkil etish bo‘yicha mutlaqo yangi, samarali model paydo bo‘layotganini anglatadi hamda vaqt, moliya va inson resurslarini tejash, kompaniya oldiga qo‘yilgan vazifalarni oson uddalash imkonini beradi.шаблоны для dle 11.2

Автор : temur Data: 2017-01-17



Top 10
Статистика