Rossiyada 2018 yilgi prezidentlik saylovlari agar Rossiya mehnat vazirligining dam olish kunlarini ko'chirish loyihasi qo'llab-quvvatlansa, keyingi yilning 4 yoki 18 mart kunlari o'tishi mumkin. Bu haqda Rossiya Markaziy saylov komissiyasi kotibi Mayya Grishina ma`lum qildi.
Saylovlar o'tadigan aniq sana qonunchilikka taklif qilinadigan o'zgartirishlar Davlat dumasi tomonidan qanday qabul qilinishiga bog'liq bo'ladi.
Avvalroq mehnat vazirligi dam olish kunlarining ko'chirilishi haqidagi loyihani tayyorlagani ma`lum qilingandi. Unga ko'ra, rossiyaliklar 2018 yilda 8-11 mart kunlari dam olishlari rejalashtirilgan.  
Amaldagi qonunchilikka ko'ra, Rossiya prezidenti saylovlari mart oyining ikkinchi yakshanbasida o'tkaziladi. Bunga muvofiq, 2018 yildagi bu sana 11 mart kuniga to'g'ri kelmoqda. Qonunga ko'ra, agar mart oyining ikkinchi yakshanbasi 8 mart bayrami va yakshanba kuni mos kelgan, yoxud bayramdan keyingi yoki bayram ko'chirilishi tufayli ishchi kuni bo'lsa, ovoz berish birinchi yakshanbaga ko'chiriladi, ya`ni bu 2018 yil 4 mart kuniga to'g'ri keladi.  
Shu bilan birga Davlat dumasiga kiritilgan o'zgartirishlarda ovoz berish kunini mart oyining 3-yakshanbasiga ko'chirish taklif qilingan. Agar bu o'zgartirishlar qabul qilinsa, saylov kuni Qrimning Rossiya tarkibiga kirgan kuni – 18 martga to'g'ri keladi.
Shu tariqa, yuqorida aytilgandek, prezidentlik saylovlari yo 4 mart, yoki 18 mart kuni o'tkazilishi mumkin.  шаблоны для dle 11.2