Turkiyalik xakerlar Anqara va Yevropa Ittifoqining bir qator davlatlari o'rtasida diplomatik munosabatlarning keskinlashishi ortida Fransiyaning bir qator hukumat idoralari va nohukumat tashkilotlarining saytlari va ijtimoiy tarmoqlardagi akkauntlariga katta ko'lamli hujumlar amalga oshirishdi. Jumladan, Fransiya iqtisodiyot vazirligi va Amnesty International huquqni himoya qilish tashkilotining sahifalari buzib kirilgan.
Xakerlar saytlarda natsistlar ramzi hisoblanuvchi svastika belgisini joylashtirishgan va shu tariqa Turkiya prezidenti Rajab Toyyib Erdo'g'anning Germaniya va Niderlandiyani "fashist davlatlar" deb ataganini qo'llab-quvvatlashlarini bildirishgan. Shuningdek, saytdagi xabarlar Erdo'g'anning tegishli gaplariga havolalarga ega bo'lgan.
Fransiya iqtisodiyot vazirligi uning Twitter ijtimoiy tarmog'idagi akkaunti buzib kirilganini tasdiqlagan hamda "muammo bartaraf etilganini" ma`lum qilgan.
Twitter ijtimoiy tarmog'i noma`lum xakerlar 20 dan ko'proq, jumladan Yevroparlament, Amnesty International, Forbes nashri va boshqa tashkilotlar hamda kompaniyalarning sahifalari buzib kirilganini tan oldi.
Ta`kidlanishicha, xakerlarning bunday yo'l tutishlariga Turkiya va Niderlandiya o'rtasidagi diplomatik nizo undagan.шаблоны для dle 11.2