Markaziy Osiyodan Janubiy Osiyoga elektr energiya savdosi 2018 yilda boshlanadi
527

Markaziy Osiyodan Janubiy Osiyoga elektr energiya savdosi 2018 yilda boshlanadi





Afg'oniston Energetika va suv ta`minoti vazirligi ma`lum qildiki, CASA-1000 mintaqaviy loyihasi bo'yicha qurilish ishlari 2018 yilda boshlanadi. Afghanistan.ru nashri xabariga ko'ra, 1 yil ichida zarur qurilish materiallari xarid qilinishi kerak.
«Tolo» telekanali ma`lumotiga ko'ra, Afg'oniston viloyatlaridagi qurilish ishlari xarajatlari loyihaning boshqa ishtirokchilari Qirg'iziston, Tojikiston va Pokiston tomonidan qoplanadi.
Qirg'iziston va Tojikistonda mavjud gidroelektr stansiyalarida ishlab chiqarilgan elektr quvvatini Janubiy Osiyoga uzatish uchun 1200 kilometrlik yangi elektr uzatish tarmog'ini qurishni ko'zda tutadigan ushbu loyihaning umumiy qiymati 1,17 milliard dollarga hisoblangan. Ushbu loyihani  Jahon banki, Islom Taraqqiyot banki, AQShning xalqaro taraqqiyot agentligi (USAID), AQSh Davlat departamenti, Buyuk Britaniya Xalqaro hamkorlik vazirligi (DFID) va Avstraliya Xalqaro Taraqqiyot agentligi (AusAID) moliyaviy jihatdan qo'llab-quvvatlaydi.
Avvaliga bu loyiha orqali janubga uzatiladigan elektr energiyasining bir qismini Afg'oniston ham sotib olishi ko'zda tutilgandi, ammo keyinroq hukumat buni rad etdi va bu davlat faqat tranzit davlat funksiyasini bajaruvchi bo'lib qoldi. Afg'oniston buning uchun har yili 50 million dollar daromad oladi.
CASA-1000 loyihasi amalga oshirilishi Tojikistonda Rog'un GESi, Qirg'izistonda esa Qambarota 1 GESi qurilishi bilan uzviy bog'liq edi.
Tojikistonda o'tgan yilning oktabrida Rog'un GESining dunyodagi eng yirik suv to'g'oni (335 metr) qurilishi boshlangandi. To'g'on qurilishining boshlanishi hamda Vaxsh daryosi o'zani to'silishini mamlakat prezidenti Emomali Rahmon, hukumat a`zolari va parlamentariylar kuzatib turgan, hatto prezident buldozerga chiqib, bu qurilishda qatnashgandi.
Bungacha O'zbekiston hukumati Rog'un GESi qurilishiga ham, CASA-1000 loyihasiga ham qarshi bo'lgan.шаблоны для dle 11.2
Manba:Kun

Behruz 2017-03-17



Top 10
1 105 09.02
Статистика