Serbiya prezidentlik saylovi: pensionerlar bosh vazirga, yoshlar parodist-qiziqchiga ovoz berishadi
305

Serbiya prezidentlik saylovi: pensionerlar bosh vazirga, yoshlar parodist-qiziqchiga ovoz berishadi
Sotsiologlarning ma`lumotlariga ko'ra, saylovoldi poygasida bosh vazir Aleksandar Vuchich yetakchilik qilmoqda.
Serbiya prezidenti lavozimi uchun kurash olib borayotgan o'n bir nafar nomzod 31 martga o'tar kechasi saylovoldi tashviqotlariga yakun yasashdi — 31 mart va 1 aprel kunlari mamlakatda jimlik kunlari hukm suradi va unda har qanday saylovoldi tashviqoti man etiladi.
Belgrad ko'chalaridan va Serbiyaning barcha aholi punktlaridan so'ngi haftalarda ko'zni qamashtirib turgan tashviqot plakatlari olib tashlandi. Serbiya davlat bayrog'i ranglari bo'lmish oq, ko'k va qizil ranglarning turli variantlaridan barcha tashviqot kampaniyalarida foydalangan va ularni bir biriga juda o'xshash darajaga keltirib qo'ygan edi
Ushbu saylovlarning avvalgilardan farqli tarafi videoroliklardan keng foydalanish bo'ldi va YouTube videoxostingida yuz minglab, ayrimlari hatto millionlab marta tomosha qilindi. Hozircha vdeorolik egalari ushbu tashviqotlarini qonunni ijro etish yo'lida o'chirib tashlashga ko'p ham shoshilishayotgani yo'q.
 
Hammasi hal bo'lgan — kutamiz
Serbiya poytaxti ko'chalarida ommaviy yurishlar, namoyishlar yoki aksiyalar kuztilmayapti.
TASS muxbiri gapga olgan taksichi Neboyshaning so'zlariga ko'ra, bunga sabab hammasi hal qilib bo'linganidir: "Kim g'alaba qozonishini hamma tushunib turibdi, hammasi tushunarli va hal bo'lgan. Shuning uchun picha kutsak, ikkinchi tur bo'lish-bo'lmasligiga guvoh bo'lamiz, garchi natija kutilganidek bo'lsa ham". "Men o'zi umuman siyosatga qiziqmayman", — deya qo'shimcha qilgan taksichi.
Talaba qiz TASS muxbiri bilan suhbatda "g'olibning ismini bilishi"ni aytgan, shu sababli saylovda qatnashmoqchi emasligini bildirgan. "Men uchun asosiysi hozir o'qish va ish, siyosatga esa tobim yo'q", — degan u.
 
Nomzodlar uchun so'nggi imkoniyat
Prezidentlikka nomzodlar saylovoldi kampaniyasining so'nggi kunida ham tashviqot ishlarini davom ettirishdi. Poyga favoriti, bosh vazir Aleksandar Vuchich pensionerlar bilan uchrashdi va ularning serb jamiyatining asosi deya baholadi. "Sizlar — davlat so'nggi yillarda tayangan ustunsizlar, hamon sizlarga tayanamiz. Bu gaplarni sizlarning ishonchlaringizni qozonish uchun aytmayapman, chunki bunga ega ekanligimni bilaman, shunchaki sizlarga minnatdorchiligimni bildirib qo'ymoqchiman", — degan bosh vazir.
Serbiya radikal partiyasi yetakchisi Voislav Sheshel saylovchilar uchun videorolik suratga olib, "shunday tanlov qilingki, keyin afsuslanmang", deya murojaat qilgan. Serbiya demokratik partiyasi nomzodi Aleksandar Popovich o'tmish siyosatchilaridan ko'mak so'rab murojaat qilgan: televideniye uning sobiq prezident Voislav Koshtunitsa bilan sayrlarini namoyish etgan.
Sobiq tashqi ishlar vaziri Vuk Yeremich Smederevo shahrida saylovchilar bilan uchrashar ekan, "mamlakatga oldingi obro'sini qaytarish"ni va`da qilgan. So'rovnomalar bo'yicha poygada ikkinchi o'rinda borayotgan inson huquqlarini himoya qilish bo'yicha ombudsmen Sasha Yankovichni qo'llab taniqli serb aktyori Sergey Trifunovich chiqish qilgan.
 
Kuchlar taqsimoti
Sotsiologlarning ma`lumotlariga ko'ra, Aleksandar Vuchich saylovoldi poygasida ishonchli tarzda yetakchilik qilmoqda. Uni qo'llayotganlar darajasi hali 50 foizdan tushgan emas, boz ustiga, u Moskvaga tashrif buyurib, Vladimir Putin bilan uchrashgach, tezda o'sa boshladi. Aksariyat so'rov markazlari ikkinchi o'rinni "Qo'rqmas Serbiya" fuqarolar guruhi tomonidan ilgari surilgan nomzod Sasha Yankovichga bermoqda. U 12 foiz ovoz jamg'arib, ikkinchi turga ham o'tishi mumkin, agar bunga zaruriyat tug'ilsa. Uchinchi o'rinda 8,8 foiz ovoz bilan sobiq tashqi ishlar vaziri Vuk Yeremich bormoqda. To'rtinchi o'rinda ko'proq Lyubisha Preletachevich Beliy taxallusli parodiyachi nomzod Luka Maksimovich bormoqda. Unga 7,47 foiz saylovchilar, asosan yoshlar ovoz bermoqchi.
So'rovlarga ko'ra, Vuchichni 50 yoshdan oshgan, o'rta yoki umumiy ma`lumotga ega, mamlakat sharqi va janubiy-sharqida yashovchi fuqarolar qo'llashmoqda. Sasha Yankovichni poytaxt Belgradda ko'proq qo'llashmoqda, uning tarafdorlari 40–50 yosh orasidagi oliy ma`lumotli insonlardir. Yeremichning auditoriyasi Yankovichnikidan 10 yoshga kichikroq, bular universitetda ta`lim olgan insonlar va talabalarning aksariyatidir.  Sobiq tashqi ishlar vazirini mamlakatning g'arbi va markazidagi aholi ko'proq qo'llamoqda.
 
Sharoitlar yaratilgan
Fuqarolar yakuniy qarorga keladigan qolgan ikki kunda so'nggi tashkiliy masalalar yopiladi. Respublika saylov komissiyasidan xabar berishlaricha, 8.523 saylov uchastkasi ochiladi, ularning 90 tasi Kosovo va Metoxiya muxtor o'lkasida joylashgan. Saylovda, shuningdek, serb diasporasi vakillari ham ishtirok etishi mumkin, — ular uchun 32 davlatda 53 ta saylov uchastkasi xizmat ko'rsatadi.
Qur`a natijalariga ko'ra, saylov byulletenlarida birinchi bo'lib Sasha Yankovich ("Qo'rqmas Serbiya" fuqarolar guruhi), 2-raqamda sobiq tashqi ishlar vaziri Vuk Yeremich ("Yanada yaxshiroq bo'lishi lozim" fuqarolar guruhi), 3-o'rinda Xalq ozodlik harakati nomzodi Miroslav Parovich, 4-raqamda - "Yetar!" harakati yetakchisi Sasha Radulovich, 5-raqamda "Beliy - faqat kuchli" siyosiy parodiya harakati yetakchisi Luka Maksimovich, 6-raqamda amaldagi bosh vazir Aleksandar Vuchich, 7-raqamda "Eshiklar" harakati yetakchisi Boshko Obradovich, 8-raqamda Serbiya radikal partiyasi yetakchisi Voislav Sheshel, 9-raqamda Serbiya demokratik partiyasi nomzodi Aleksandar Popovich, 10-raqamda Chayetina munitsipaliteti rahbari Milan Stamatovich, 11-raqamda Voyevodina sotsial-demokratlar ligasi raisi Nenad Chanak ismlari keltiriladi.шаблоны для dle 11.2
Manba:Kun

Автор : Behruz Data: 2017-04-01



Top 10
Статистика