Yaponiya bosh vaziri Sindzo Abe shu yilning aprel oyi oxirida Rossiyaga borish niyati borligini tasdiqladi. Uning aytishicha, Moskva bilan mavjud hududiy masalalar bo'yicha bahslarni hal etish oson bo'lmaydi. Abe hukmron partiya rahbariyati hamda hukumat a`zolari bilan o'tkazgan majlisida shu haqda ma`lum qildi.
"Men prezident Vladimir Putin bilan uchrashish maqsadida aprel oyi oxirida Rossiyaga bormoqchiman, - deya bosh vazir so'zlaridan iqtibos keltiradi Kiodo agentligi. – Hududiy muammoga chek qo'yish oson bo'lmaydi. Biroq, men, Shimoliy orollardagi (Janubiy Kuril orollari) sobiq fuqarolarga yetkazilgan aziyatlarni his qilgan holda Rossiya bilan tinchlik shartnomasini imzolash sari qat`iyat bilan olg'a harakat qilish niyatidaman".
Ayni vaqtda, Yaponiya bosh vazirining 27-28 aprel kunlari Rossiyaga amalga oshiradigan tashrifiga tayyorgarlik ketmoqda. шаблоны для dle 11.2