BMT: Yaman aholisining 82 foizi gumanitar yordamga muhtoj
493

BMT: Yaman aholisining 82 foizi gumanitar yordamga muhtoj





BMT Yamanda darhol qamalni bekor qilish va mamlakatga gumanitar yordam kiritish imkonini yaratishga chaqirmoqda. Tashkilotning inson huquqlari va xalqaro sanksiyalar bo'yicha maxsus ma`ruzachisi Idriss Jazariyning bayonotida shu haqida ma`lum qilindi.
"Urushlardan charchagan Yaman qamali gumanitar fojia bilan kurashish uchun darhol bekor qilinishi zarur, hozirda u yerda millionlab odamlar och-nahor... Yamanga tijorat va gumanitar yuklarining asossiz qo'yilmasligi, shuningdek ularni mamlakat ichida tarqatishda yuzaga keladigan to'siqlar uzoq vaqt davomida urushdan aziyat chekayotgan millatni yo'q qilmoqda", - dedi u.
BMT ma`lumotlariga ko'ra, Yamanda 21 milliondan ziyod kishi gumanitar yordamga muhtoj, bu aholining taxminan 82 foizini tashkil qiladi. Shundan 7 millioni ochlikdan azob chekmoqda.
Jazariyning ta`kidlashicha, 2015 yildan buyon Saudiya Arabistoni koalitsiyasi tomonidan boshqariluvchi jangarilar tomonidan kiritilgan havo va dengiz qamali mamlakatdagi "gumanitar fojianing asosiy sabablaridan biri hisoblanadi" va "xalqaro qonunchilikka ko'ra, noqonuniy bir tomonlama majburiy chora sifatida baholanishi mumkin".
BMT maxsus ma`ruzachisiga ko'ra, koalitsiya jangarilari tomonidan Yamanni qamal qilish "inson huquqlariga oid qonunchilikning asosiy me`yorlari, shuningdek urush olib borish qoidalarini jiddiy buzish" hisoblanadi va bu javobsiz qolmasligi kerak.
"Men ziddiyatning barcha tomonlarini yashash, oziq-ovqat va munosib shart-sharoitlar uchun asosiy huquqlarga rioya qilish hamda Xodayda portiga ayniqsa gumanitar yuklarning to'siqsiz kirishini tiklab, mojarolarni muzokaralar yo'li bilan hal qilishga chaqiraman", - dedi Idriss Jazariy.шаблоны для dle 11.2
Manba:kun

Bahh Tee 2017-04-13



Top 10
Статистика