29-yanvar oqshomida Kanadaning Kvebek shahridagi masjidda olti ziyoratchi otib tashlandi. Qotil kanadalik Aleksandr Bissonnett bo‘lib chiqdi – u o‘z qilmishidan ko‘p o‘tmay, politsiyaga taslim bo‘ldi. Yosh yigitcha o‘zining o‘ng qarashlari bilan tanilgan, muntazam ravishda muhojirlar va musulmonlarni tanqid qilib kelgan. Meduza nashri Kvebekdagi masjidga uyushtirilgan hujum haqidagi asosiy ma’lumotlarni bir sahifaga jamladi.
Aleksandr Bissonnett masjidga xufton namozida, mahalliy vaqt bilan taxminan 19:50 (Toshkent vaqti bilan 05:50 da) kirib kelgan. Guvohlarning so‘zlariga ko‘ra, u yig‘ilganlarga qarata darhol o‘t ochgan – qurolining magazinidagi patronlar tugamagunicha o‘q uzishni to‘xtatmagan. O‘qotar quroldan olgan jarohati sabab olti kishi hodisa joyida halok bo‘lgan; ularning bari masjid ziyoratchilari bo‘lib, Kanadaga Afrika mamlakatlaridan kelgan muhojirlar edi. Yana besh kishi yaralangan, ulardan ikki nafarining ahvoli og‘ir ekani aytilmoqda.
Otishmani tugatib, Bissonnett masjiddan chiqqan va avtomobiliga o‘tirib, hodisa joyidan jo‘nab ketgan. 17 daqiqadan so‘ng mashinasini to‘xtatib, 911 xizmatiga qo‘ng‘iroq qilgan. Bissonnett masjidga o‘zi hujum qilganini aytib, endi o‘z joniga qasd qilmoqchi ekanini ta’kidlagan. Uning mashinasi orqa o‘rindig‘idan, tasdiqlanmagan ma’lumotlarga ko‘ra, to‘pponcha va AK-47 ga o‘xshash ikkita o‘qotar qurol topilgan.
Hujum qilgan shaxs – o‘zining o‘ta o‘ng qarashlari bilan tanilgan 27 yoshli talabadir. U bilan internetda muloqotda bo‘lgan odamlarning so‘zlariga ko‘ra, Bissonnetning muhojirlar va musulmonlarga qarshi fikrlari Kvebekka Fransiyaning “Milliy front” partiyasi rahbari Marin Le Pen kelib ketganidan so‘ng ayniqsa kuchaygan. U, shuningdek, AQSh prezidenti Donald Trampning ham yorqin tarafdori bo‘lgan.
Bissonnet Laval universitetida antropologiya va siyosatshunoslikni o‘rgangan. O‘qishdan bo‘sh vaqtida esa donorlik qoni to‘plash bilan shug‘ullanuvchi Hema-Quebec koll-markazida ishlagan. Ota-onasining qo‘shnilari bergan guvohlikka ko‘ra, Bissonnett odatdagidek bir oilada voyaga yetgan va avvallari hech qanday ajabtovur xulqi bilan ajralib turmagan, biroq odamoviroq bo‘lgan.
Kanada hukumati yuz bergan voqeani musulmonlarga qarshi qaratilgan terakt deb e’lon qildi. Qotillik va qotillikka suiqasd qilish holatlari bo‘yicha Bissonnettga nisbatan ayblov e’lon qilingan. U uyushtirgan hujum barcha diniy konfessiyalarning vakillari tomonidan qoralandi.
Masjidga uyushtirilgan hujumga qadar Kvebekda 21 oy davomida qotillik yuz bermagan edi. Shahar va shu nomli viloyat aholisi muhojirlarga nisbatan konservativ qarashlari bilan tanilgan. 2016-yilning iyulida, muqaddas Ramazon oyining ayni avj pallasida, Bissonnett hujum qilgan masjid eshiklari ostida “Yoqimli ishtaha!” degan yozuv bilan cho‘chqaning boshi qoldirilib ketilgan edi. Masjid vakillari bu hodisani shunchaki tasodif sanab, shahardagi umumiy kayfiyatga hech bir aloqasi yo‘q, deb hisoblagan edi.
Manba:DaryoAleksandr Bissonnett masjidga xufton namozida, mahalliy vaqt bilan taxminan 19:50 (Toshkent vaqti bilan 05:50 da) kirib kelgan. Guvohlarning so‘zlariga ko‘ra, u yig‘ilganlarga qarata darhol o‘t ochgan – qurolining magazinidagi patronlar tugamagunicha o‘q uzishni to‘xtatmagan. O‘qotar quroldan olgan jarohati sabab olti kishi hodisa joyida halok bo‘lgan; ularning bari masjid ziyoratchilari bo‘lib, Kanadaga Afrika mamlakatlaridan kelgan muhojirlar edi. Yana besh kishi yaralangan, ulardan ikki nafarining ahvoli og‘ir ekani aytilmoqda.
Otishmani tugatib, Bissonnett masjiddan chiqqan va avtomobiliga o‘tirib, hodisa joyidan jo‘nab ketgan. 17 daqiqadan so‘ng mashinasini to‘xtatib, 911 xizmatiga qo‘ng‘iroq qilgan. Bissonnett masjidga o‘zi hujum qilganini aytib, endi o‘z joniga qasd qilmoqchi ekanini ta’kidlagan. Uning mashinasi orqa o‘rindig‘idan, tasdiqlanmagan ma’lumotlarga ko‘ra, to‘pponcha va AK-47 ga o‘xshash ikkita o‘qotar qurol topilgan.
Hujum qilgan shaxs – o‘zining o‘ta o‘ng qarashlari bilan tanilgan 27 yoshli talabadir. U bilan internetda muloqotda bo‘lgan odamlarning so‘zlariga ko‘ra, Bissonnetning muhojirlar va musulmonlarga qarshi fikrlari Kvebekka Fransiyaning “Milliy front” partiyasi rahbari Marin Le Pen kelib ketganidan so‘ng ayniqsa kuchaygan. U, shuningdek, AQSh prezidenti Donald Trampning ham yorqin tarafdori bo‘lgan.
Bissonnet Laval universitetida antropologiya va siyosatshunoslikni o‘rgangan. O‘qishdan bo‘sh vaqtida esa donorlik qoni to‘plash bilan shug‘ullanuvchi Hema-Quebec koll-markazida ishlagan. Ota-onasining qo‘shnilari bergan guvohlikka ko‘ra, Bissonnett odatdagidek bir oilada voyaga yetgan va avvallari hech qanday ajabtovur xulqi bilan ajralib turmagan, biroq odamoviroq bo‘lgan.
Kanada hukumati yuz bergan voqeani musulmonlarga qarshi qaratilgan terakt deb e’lon qildi. Qotillik va qotillikka suiqasd qilish holatlari bo‘yicha Bissonnettga nisbatan ayblov e’lon qilingan. U uyushtirgan hujum barcha diniy konfessiyalarning vakillari tomonidan qoralandi.
Masjidga uyushtirilgan hujumga qadar Kvebekda 21 oy davomida qotillik yuz bermagan edi. Shahar va shu nomli viloyat aholisi muhojirlarga nisbatan konservativ qarashlari bilan tanilgan. 2016-yilning iyulida, muqaddas Ramazon oyining ayni avj pallasida, Bissonnett hujum qilgan masjid eshiklari ostida “Yoqimli ishtaha!” degan yozuv bilan cho‘chqaning boshi qoldirilib ketilgan edi. Masjid vakillari bu hodisani shunchaki tasodif sanab, shahardagi umumiy kayfiyatga hech bir aloqasi yo‘q, deb hisoblagan edi.
Behruz 2017-02-02
