AQSh Rossiya Federal xavfsizlik xizmatiga qarshi sanksiyalarni yumshatdi
505

AQSh Rossiya Federal xavfsizlik xizmatiga qarshi sanksiyalarni yumshatdi



AQSh Moliya vazirligi mamlakat kompaniyalariga bir qator texnologik mahsulotlarni Rossiyaga eksport qilishda litsenziyalar va ruxsatnomalar olish uchun Federal xavfsizlik xizmati (FXX) bilan muloqotga kirishishga ruxsat berdi.

AQSh kompaniyalariga FXX bilan munosabatlarga kirishishni taqiqloqchi Rossiyaga qarshi qaratilgan sanksiyalar Amerika ma’muriyati tomonidan 2016-yil dekabrida joriy etilgan edi.
Avvalroq “RBK” nashri AQShning FXXga qarshi sanksiyalari ba’zi elektronika mahsulotlarini Rossiyaga olib kelishni murakkablashtirgani, bunga barcha turdagi shifrlash uskunalari importini FXX nazorat qilishi sabab ekanini bildirgan edi. Rossiyaga elektronika mahsulotlari (masalan, smartfonlar)ni yuborish uchun kompaniya shifrlash algoritmlari haqida talabnoma taqdim etishi zarur.
FXX bilan munosabatlarni cheklash bo‘yicha AQSh sanksiyalari 2016-yil oxirida, kiberhujumlarga javoban joriy etilgan edi — Amerika maxsus xizmatlari bu hujumlarda Rossiyani ayblamoqda. Sanksiyalar Rossiya Bosh razvedka boshqarmasi (BRB) va, go‘yoki, kiberhujumlarni uyushtirishga daxldor deb hisoblangan uch kompaniyani ham o‘z ichiga olgan.
AQSh Qrimning egallab olinishi va Ukraina sharqidagi qurolli nizo sababli ham Rossiyaga nisbatan sanksiyalar joriy etgan. AQSh prezidenti saylovida, taxminlarga ko‘ra, Rossiya rahbariyati tomonidan qo‘llab-quvvatlangan nomzod — Donald Tramp g‘alaba qozongach, Rossiyaga nisbatan sanksiyalar bekor qilinishi yoki yumshatilishi haqida fikrlar paydo bo‘ldi.
Amerika nashrlari Trampning ma’muriyati sanksiyalarni bekor qilish haqidagi farmon matnini tayyorlab qo‘ygani haqida xabarlar tarqatgan. Trampning maslahatchisi Kellienn Konuey esa Oq uy sanksiyalarni bekor qilish imkoniyatlarini ko‘rib chiqayotganini ma’lum qilgan.шаблоны для dle 11.2
Manba:Daryo

Behruz 2017-02-03



Top 10
Статистика