Rossiya prezidenti Vladimir Putinning ma’lum qilishicha, Donbassdagi nizo keskinlashuvi Ukraina rahbariyatining AQSh yangi prezidenti ma’muriyati bilan munosabatlar o‘rnatish istagi bilan bog‘liq. Bu haqda Meduza xabar bermoqda.

Ular amaldagi ma’muriyat bilan munosabatlarni yo‘lga qo‘yishi kerak va bu ishni ham nizo orqali amalga oshirishmoqchi — bu yangi ma’muriyatni Ukraina muammolariga jalb etish va shu bilan qandaydir muloqotni yo‘lga qo‘yish bo‘yicha har doim yaxshi, qulay va oson bir yo‘ldir.
Vladimir Putin, Rossiya prezidenti

Ayni vaqtda, Putinning fikricha, nizo keskinlashuvining “eng birinchi sababi” shundaki, “Ukraina rahbariyatiga hozir pul kerak, pulni esa — o‘zini xuddi tajovuz qurboni sifatida ko‘rsatib — Yevropa Ittifoqidan, Yevropaning alohida mamlakatlaridan, AQShdan va xalqaro moliya institutlaridan sug‘urib olishdan yaxshiroq yo‘l yo‘q”.
Putin, shuningdek, ukrainalik ishbilarmonlar AQSh prezidentligiga nomzod Hillari Klintonni qo‘llab-quvvatlaganini ham ma’lum qildi. “Ba’zi oligarxlar, ehtimol, siyosiy rahbariyatning ruxsati bilan bu nomzodni, yana ham aniqroq aytganda, nomzod ayolni qo‘llab-quvvatlagan”, — dedi Rossiya prezidenti.
Yanvar oxirida Ukraina sharqida ommaviy o‘qqa tutishlar qayta boshlandi — jangovar harakatlar asosan Avdeyevka shahri va Donetsk atroflarida kuzatilmoqda. Ukraina harbiylari va rossiyaparast ayirmachilar nizo hududidagi marralarni yorib o‘tishga urinishda bir-birini ayblamoqda. O‘qqa tutishlar oqibatida harbiylar va tinch aholi vakillari orasida qurbonlar borligi aytilmoqda.шаблоны для dle 11.2