Ukrainaning Avdeyevka shahri yaqinida 29-yanvardan beri davom etayotgan jangovar harakatlar oqibatida ukrainalik 10 harbiy halok bo‘ldi, 66 nafari yaralandi. Meduza xabariga ko‘ra, bu haqda Ukraina Qurolli kuchlari birlashgan tezkor shtabi boshlig‘i birinchi o‘rinbosari Andrey Svetkov ma’lum qilgan.
Uning so‘zlariga ko‘ra, dushman taraf 29-yanvardan beri Ukraina marralarini 40 marta uzoq muddat o‘qqa tutgan va 6000 ga yaqin snaryad otgan. 3-fevral tongi holatiga ko‘ra, o‘qqa tutishlar davom etayotgan edi.
O‘z navbatida, o‘zini mustaqil deb e’lon qilgan “Donetsk xalq respublikasi” vakili Eduard Basurin rossiyaparast ayirmachilarning 18 nafar vakili halok bo‘lgani va 26 nafari yaralanganini ma’lum qildi.
Basurinning qo‘shimcha qilishicha, yanvar oxiridan beri davom Ukraina harbiylari davom ettirayotgan o‘qqa tutishlar oqibatida 6 nafar mahalliy aholi vakili halok bo‘lgan, 34 kishi jarohat olgan.
“DXR” vakilining ta’kidlashicha, Ukraina harbiy xizmatchilari 29-yanvardan beri 10 marta ayirmachilarning marralariga hujum qilishga uringan.
Yanvar oxirida Ukraina janubi-sharqidagi vaziyat yana keskinlashdi. Nizolashayotgan tomonlar ommaviy o‘qqa tutishlar va chegara chizig‘ini buzishda bir-birini ayblab kelmoqda.шаблоны для dle 11.2