Argentina sobiq prezidenti va uning farzandlarini pul yuvish haqidagi ish bo‘yicha so‘roqqa chaqirishdi

Argentina sobiq prezidenti va uning farzandlarini pul yuvish haqidagi ish bo‘yicha so‘roqqa chaqirishdi


Argentinalik sudya Klaudio Bonadio sobiq prezident Kristina Fernandes de Kirshner va uning farzandlari Maksimo Kirshner va Florensiya Kirshnerni pul yuvish va korrupsiya haqidagi ish bo‘yicha so‘roqqa chaqirdi, deb yozadi “TASS”.

So‘roqqa jami 21 kishi, shu jumladan, pul yuvish ayblovi bo‘yicha hibsda saqlanayotgan tadbirkorlar Kristobal Lopes va Lasaro Bayes ham chaqirildi.
Ularning barchasi Kirshner oilasiga tegishli bo‘lgan ko‘chmas mulk bilan shug‘ullanuvchi Los Sauces kompaniyasi faoliyati bilan bog‘liq savollarga javob berishi kerak bo‘ladi.
Eslatib o‘tamiz, may oyida Argentina Federal sudi noqonuniy boyishda gumonlanayotgan mamlakatning sobiq prezidenti Kristina Fernandes de Kirshnerga qarshi ish ochgan edi.
Sudda ish ochilishiga deputat va prezidentlik lavozimiga sobiq nomzod Margarita Stolbiserning shikoyati asos bo‘lgan. Stolbiserning ta’kidlashicha, Kirshner oilasiga qarashli ko‘chmas mulk bitimlari bilan shug‘ullanuvchi Los Sauces kompaniyasi pul o‘zlashtirishga aloqador bo‘lishi mumkin.
Bundan tashqari, deputat kompaniya faoliyatidagi ba’zi hujjatlar qalbakilashtirilgan deb hisoblamoqda.шаблоны для dle 11.2
Manba:Daryo

Behruz 2017-02-04



Top 10
Статистика