Nepal Oliy sudi hukumatga telefonlarni ruxsatsiz tinglashni taqiqladi
460

Nepal Oliy sudi hukumatga telefonlarni ruxsatsiz tinglashni taqiqladi





Nepal Oliy sudi hukumatga agar politsiya yoki hokimiyatning qolgan idoralari jinoiy ishlarni tergov qilish maqsadida telefon suhbatlari yoki sms-xabarlarni qo'lga kiritishni istasalar, unda ularga okrug sudidan tegishli ruxsat olish majburiyatini qo'ydi.  
Jurnalistlar Oliy sud sudyasi Ran Bahodur Bemning 5 yil avval sodir etilgan qotilligi tergovi davomida Nepal politsiyasi 500 mingga yaqin telefon qo'ng'iroqlari va 30 mingga yaqin sms-xabarlar haqida batafsil ma`lumot olganini aniqlashgan.
Advokatlar va jurnalist Taranat Daxal politsiya ish uslublari ommaga oshkor bo'lgandan keyin Oliy sudga da`vo arizasi topshirishgan. Javob beruvchilar mamlakat bosh vaziri va vazirlar kengashi, ichki ishlar vazirligi, axborot va ommaviy kommunikatsiyalar vazirligi, Nepal politsiyasi, Nepalning aloqa sohasida nazorat xizmati,  Nepal Telecom, Ncell va United Telecom Limited kompaniyalari bo'lgan.
Da`vo beruvchilar shaxsiy hayot daxlsizligi huquqi mamlakat konstitutsiyasida biriktirilgan eng asosiy inson huquqlaridan biri ekanligi va hukumat yoki boshqa bir tomon biror shaxs haqidagi shaxsiy ma`lumotlarni uning roziligisiz ishlatishi yoki oshkor qilmasligi lozimligini ta`kidlashgan.
Nepal Oliy sudi da`vo beruvchilar tomoniga yon bosdi. Sud hukmida barcha shaxslarning shaxsiy hayotga daxlsizligi konstitutsiya tomonidan kafolatlanishi aytilgan. Davlat idoralari esa biror odamning telefon qo'ng'iroqlari yoki xabarlarini qo'lga kiritmoqchi bo'lsa, okrug sudidan tegishli ruxsat olishlari kerak bo'ladi.
Hukmda aytilishicha, tuman sudi ruxsatisiz biror odam telefon qo'ng'iroqlari va xabarlari haqida axborotni qidirish mumkin emas. Oliy sud hukumatga shu holat bo'yicha tegishli choralar ko'rish vazifasini topshirdi.шаблоны для dle 11.2
Manba:Kun

Behruz 2017-02-19



Top 10
1 105 09.02
Статистика