Sevilyada bayram: Luis Suaresning so‘nggi daqiqadagi yagona goli “Barselona”ni mag‘lubiyatdan qutqarib qoldi
767

Sevilyada bayram: Luis Suaresning so‘nggi daqiqadagi yagona goli “Barselona”ni mag‘lubiyatdan qutqarib qoldi





Futbol bo‘yicha Ispaniya La ligasining 20-turiga kelib Kataloniyaning “Barselona” klubi 2 ochko boy berdi. “Betis” maydoniga tashrif buyurgan Luis Enrike shogirdlari 1:1 hisobiga imzo chekdi.

Tomonlar birinchi davra “Kamp Nou” stadionida to‘qnash kelgan bo‘lib, o‘shanda “Barselona” 6:2 hisobida zafar quchgandi. 20-turda qo‘lga kiritilgan 1 ochko sabab kataloniyaliklar “Sevilya”ga yetib oldi. Bugun — 29-yanvar kuni “Sevilya” “Espanyol” maydonida zafar quchib, oradagi farqni yana ko‘paytirib qo‘yish imkoniyatiga ega.
“Barselona” o‘z maydonida bo‘lib o‘tgan “El-Klasiko”da “Real” bilan 1:1 hisobida durang o‘ynagach, keyinroq ketma-ket ikki yirik g‘alabaga erishgandi: “Osasuna” (3:0) va “Espanyol” (4:1). Shundan keyin kataloniyalik futbolchilar “Vilyarreal” bilan 1:1 hisobida durang o‘ynadi va ketidan yana ikkita yirik g‘alabani tantana qildi: “Las-Palmas” (5:0) va “Eybar” (4:0). Mana endi “Betis”ga qarshi uchrashuv 1:1 hisobida o‘z yakuniga yetdi.

“Barselona” mavsum davomida “Atletiko” va “Real Sosyedad” klublari bilan ham 1:1 hisobida durang o‘ynagan. “Malaga” bilan 0:0 hisobida golsiz durang qayd etgan.
Qayd etish kerak, 20-turda yetakchilardan yana biri — Madridning “Atletiko” klubi ham 2 ochko boy bergandi.
Ispaniya La ligasi
20-tur
29-yanvar, yakshanba

“Betis” — “Barselona” 1:1

Gollar: Aleks Alegriya, 75 (1:0). Luis Suares, 90 (1:1).
“Espanyol” — “Sevilya”
“Atletik” — “Sporting”
“Real Madrid” — “Real Sosyedad”
30-yanvar, dushanba
“Las-Palmas” — “Valensiya”шаблоны для dle 11.2
Manba:Daryo

Behruz 2017-01-30



Top 10
Статистика