Samarqandda tramvay qatnay boshladi
667

Samarqandda tramvay qatnay boshladi





Prezident Shavkat Mirziyoyev Samarqandga safari vaqtida yangi tramvay yo‘nalishi bilan tanishdi.

O‘zbekiston Prezidenti Shavkat Mirziyoyev Samarqandga safari vaqtida yangi tramvay yo‘nalishi bilan tanishdi. Bu haqda «O‘zbekiston temir yo‘llari» AJ axborot xizmati xabar qildi.
Liniyaning umumiy uzunligi 34,8 km bo‘lib, unda to‘rtta yo‘nalish mavjud. Birinchi bosqichda 11,4 km lik temir izlar yotqiziladi. Bugungi kungacha 7,2 km lik uchastka qurib tamomlandi.
«O‘zbekiston temir yo‘llari» boshqaruvi raisining birinchi o‘rinbosari Akbar Shukurovning ta’kidlashicha, yangi yo‘nalishda Temiryo‘l vokzali — Sartepa yo‘nalishi bo‘yicha tramvay qatnovi yo‘lga qo‘yiladi. Jadvalga ko‘ra 6:00 dan 23:00 ga qadar yo‘lovchilarga xizmat ko‘rsatiladi. Liniyada 7 daqiqa oraliqda sakkizta tarkib harakatlanadi. Tramvay liniyasi bo‘ylab avtobus bekatlari bilan birlashtirilgan 26 ta bekat qurildi.
Ayni paytda vokzaldan Siyob bozoriga qadar 5 km lik liniyani yotqizish ishlari davom ettirilmoqda. Mazkur uchastkada tramvaylarga xizmat ko‘rsatish uchun Ro‘dakiy va Gagarin ko‘chalari chorrahasida depo qurilmoqda. Tramvay harakati uchun elektr energiyasini to‘rtta tayanch podstansiya orqali yetkazib berish rejalashtirilgan.
Keyingi bosqichda 23,4 km tramvay liniyasi yotqiziladi. Birinchi navbatda Spitamen ko‘chasi orqali vokzaldan Kimyogarlar shaharchasigacha bo‘lgan tarmoq bunyod etiladi. Keyin esa Narpay ko‘chasi orqali vokzaldan Kimyogarlar shaharchasiga tramvay liniyasi yetkaziladi.
Liniyadagi ishlar uchun Toshkentda faoliyat ko‘rsatgan haydovchilar jalb etildi. Bundan tashqari, 20 dan ziyod haydovchi va liniyaga xizmat ko‘rsatish bo‘yicha mutaxassis tayyorlandi. Jami bo‘lib 43 kishi ishga qabul qilindi. Samarqand deposi qoshida Tramvay haydovchilarini tayyorlash markazi ochildi.шаблоны для dle 11.2
Manba:gazeta

Bahh Tee 2017-04-16



Top 10
Статистика