Toshkentda “Ijtimoiy inklyuziya: bolalar ijtimoiylashuvidagi yangi yo‘nalishlar” mavzuidagi Xalqaro konferensiya o‘z ishini boshlaydi
545

Toshkentda “Ijtimoiy inklyuziya: bolalar ijtimoiylashuvidagi yangi yo‘nalishlar” mavzuidagi Xalqaro konferensiya o‘z ishini boshlaydi



31-yanvar kuni Toshkentda “Ijtimoiy inklyuziya: bolalar ijtimoiylashuvidagi yangi yo‘nalishlar” mavzuidagi Xalqaro konferensiya o‘z ishini boshlaydi. Bu haqda Lola Karimova-Tillayeva Facebook’dagi sahifasida ma’lum qildi.

Ijtimoiy inklyuziya — ma’lum bir guruhning jamiyatga uyg‘unlashuvi tushunchasini anglatadi. Mazkur tushuncha imkoniyati cheklangan va ota-ona qaramog‘isiz qolgan bolalarga nisbatan ularga o‘zga bolalar qatorida jamiyat hayotida to‘laqonli ishtirok etishi uchun sharoit yaratib berish hamda ularning tashqi muhit bilan uyg‘unlashuvi va ijtimoiylashuvi jarayonida to‘g‘anoq bo‘luvchi vaziyatlarni oldini olish va hal etish ma’nosida qo‘llaniladi.
Xalqaro konferensiya bolalar ijtimoiy inklyuziyasi sohasidagi o‘zbekistonlik va chet ellik mutaxassislar orasida muloqot va malaka almashinuviga yaxshi imkoniyat yaratib beradi.
Konferensiya natijalari imkoniyati cheklangan va ota-ona qaramog‘isiz qolgan bolalarning ijtimoiy integratsiyasi tizimini takomillashtirishga katta hissa qo‘shadi deb umid qilaman.
Lola Karimova-Tillayeva, “Sen yolg‘iz emassan” Respublika jamoatchilik bolalar fondi va Respublika bolalar ijtimoiy moslashuvi markazi raisi
Konferensiya doirasida umumiy va seksiya yig‘ilishlari, davra suhbatlari, poster taqdimotlar va master klasslar bo‘lib o‘tadi. Ularda xalqaro ekspertlar tomonidan pedagoglar, tibbiyot xodimlari, psixologlar, huquqshunoslar, ijtimoiy soha vakillari va huquqni himoya qilish organlari vakillari uchun xatar guruhidagi bolalar bilan ishlash, ularni himoya qilish, ushbu bolalarning ta’lim-tarbiyasi va rivojlanishi borasidagi zamonaviy metodikalar xususida so‘zlab beriladi.
Xalqaro konferensiya “Sen yolg‘iz emassan” Respublika jamoatchilik bolalar fondi va Respublika bolalar ijtimoiy moslashuvi markazi tomonidan O‘zbekiston Respublikasi Xalq ta’limi, Oliy va o‘rta maxsus ta’lim, Sog‘liqni saqlash, Mehnat vazirliklari, Toshkent shahar hokimiyati, shuningdek, YuNISEF va YuNESKOning O‘zbekistondagi vakolatxonalari, “Kamolot” YoIH ko‘magida tashkil etilmoqda.
Konferensiya ishida 200 ga yaqin mahalliy va xorijiy mutaxassis, jumladan, O‘zbekistonning vazirlik va idoralari, YuNISEF, YuNESKO, BMTning Taraqqiyot dasturi kabi xalqaro tashkilotlar vakillari, diplomatik korpus, shuningdek, Belarus, Germaniya, Isroil, Irlandiya, Ispaniya, Italiya, Rossiya va Qozog‘iston kabi davlatlardan ekspertlar ishtirok etadi.шаблоны для dle 11.2
Manba:Daryo

Behruz 2017-01-31



Top 10
Статистика