Dushanbeda O‘zbekiston mahsulotlarining birinchi yarmarkasi bo‘lib o‘tadi
367

Dushanbeda O‘zbekiston mahsulotlarining birinchi yarmarkasi bo‘lib o‘tadi


Tojikiston poytaxti Dushanbeda 2017-yil mart oyida O‘zbekistondagi sanoat korxonalari mahsulotlarining birinchi ko‘rgazmali yarmarkasi bo‘lib o‘tadi. Bu boradagi tashkiliy masalalar O‘zbekiston delegatsiyasining Tojikistonga tashrifi doirasida muhokama qilindi, deb xabar beradi UzDaily.

Tojikiston Savdo-sanoat palatasi raisi Sharif Said O‘zbekiston delegatsiyasi bilan olib borilgan muzokaralar chog‘ida ikki davlat ishbilarmon guruhlarining biznes-forumini tashkil etishni taklif qildi.
Ko‘rgazma doirasida o‘tkazilishi taklif etilgan mazkur forum qo‘shni mamlakat mahsulotlari bilan tanishish, Tojikiston bozori hamda talabni o‘rganish imkonini beradi.
Biznes-forum doirasida O‘zbekiston va Tojikiston munosabatlarini yangi darajaga ko‘tarish, ishbilarmonlar o‘rtasidagi muloqotni kengaytirish hamda ikki mamlakat savdo-iqtisodiy ko‘rsatkichlarini oshirishga xizmat qiluvchi ikki tomonlama manfaatli kelishuvlarga erishilishi kutilmoqda.
Tojikistonga tashrifi doirasida O‘zbekiston delegatsiyasi rejalashtirilayotgan ko‘rgazma joyini aniqlash uchun bir necha obyektlarni ko‘zdan kechirdi.шаблоны для dle 11.2
Manba:Daryo

Автор : Behruz Data: 2017-02-02





Top 10
Статистика