Shavkat Mirziyoyev “Novza” metro bekati oldida qad rostlayotgan ko‘prik qurilishi bilan tanishdi
640

Shavkat Mirziyoyev “Novza” metro bekati oldida qad rostlayotgan ko‘prik qurilishi bilan tanishdi





O‘zbekiston Prezidenti Shavkat Mirziyoyev 3-fevral kuni Toshkentda amalga oshirilayotgan bunyodkorlik ishlari bilan tanishdi, deya xabar bermoqda O‘zA.

Shavkat Mirziyoyev Toshkentning Chilonzor tumanidagi Bunyodkor va Muqimiy ko‘chalari kesishgan joyda qurilayotgan yo‘l o‘tkazgich bilan tanishdi.
Umumiy uzunligi 900, balandligi 6, kengligi 24 metr bo‘lgan 6 polosali mazkur yo‘l o‘tkazgich nafaqat haydovchilar va piyodalarga, balki shu yerda yashayotgan aholiga ham bir qancha qulayliklar yaratadi.
Ko‘prikning ikki tomonida piyodalar uchun umumiy uzunligi 131,6 metr bo‘lgan ikkita yer usti o‘tish yo‘lagi ham barpo etilmoqda. Yog‘in-sochinli kunlarda himoyalanish moslamalari o‘rnatishga alohida e’tibor qaratilmoqda.
Prezident qurilishning borishi bilan tanishar ekan, O‘zbekistonda kundan-kunga aholining yashash farovonligi oshib, xonadonlarda mashinalar ko‘payayotgani, Toshkent ko‘chalarida avtomobil qatnovining kengayayotganini inobatga olish, buning uchun qo‘shimcha yo‘llar va ko‘priklar barpo etishga ehtiyoj sezilayotganini alohida ta’kidladi.
Quruvchilarga ishning tez va sifatli bajarilishi yuzasidan tegishli tavsiyalar berdi. Ko‘prik Navro‘z bayrami arafasida ishga tushirilishi mo‘ljallanmoqda.шаблоны для dle 11.2
Manba:Daryo

Behruz 2017-02-03



Top 10
1 073 09.02
Статистика